ရန်ကုန်ပြန်ရောက်တုန်း ကျောင်းတုန်းက မြန်မာစာ သင်တဲ့ ဆရာတစ်ယောက်နဲ့ မြေနီကုန်းမှာ ကားဝပ်ရှော့သွားရင်း တွေ့ဖြစ်လိုက်တယ်။ ဆရာကို မတွေ့တာ သုံးနှစ်နီးပါးလောက်ရှိပြီ။ ဆရာကလည်း တပည့်ဆိုးလေးတွေကို သိပ်ချစ်တယ်ထင်ပါတယ်။ တွေ့တွေခြင်းပဲ အားရပါးရ ဖတ်ပြီးနူတ်ဆက်ပါတယ်။ နိုင်ငံခြားက အကြောင်းတွေမေး သူလည်း ဒီက အကြောင်းတွေပြောရင်း တစ်နာရီနီးပါးလောက် ကြာသွားတယ်။ လေဆိပ်က ၀ယ်လာတဲ့ ချီးစ်ပတ်စ် တစ်လုံးကို ဆရာနဲ့ အိမ်မှာ အတူတူသောက်ကြတယ်။

ပထမတော့ဆရာကို ရှိန်တာကြောင့် မသောက်ပါဘူး။ ဆရာ့ကိုပဲ ငှဲ့ပေး ကိုယ်က ဘေးနားကစကားပြောပေါ့။ နောက်တော့ ဆရာလည်း ထမေးပါတော့တယ်။ မင်းက မသောက်ဘူးလားတဲ့။ ကိုယ်သောက်ချင်နေတာလည်းဆရာက သိတယ်ထင်ပါတယ်။ သောက်ပေါ့ကွ။ မင်းလည်း အသက်ပြည့်နေတဲ့သူတစ်ယောက်ပဲ။ မာစတာ သွားတက်နေတဲ့ကောင်ပဲကွာ။ မင်းမှာ ဦးနှောက်ရှိပါတယ်။ မင်းရင်ထဲမှာ ငါ့ကို respect ရှိရင်တော်ပါပြီ။ ချကွာတဲ့။

စကားတွေလည်း ဟိုးအရင်တုန်းကအကြောင်းတွေသာ ပြောဖြစ်ကြပါတယ်။ ငယ်ငယ်တုန်းက ကျနော်တို့ ဘယ်လို ဆိုးတဲ့အကြောင်းတွေပြော ရယ်လည်းရယ်။ ဆရာကမြန်မာစာ ဆရာဆိုတော့ မြန်မာစာပေတွေအကြောင်း တော်တော်ပြောပြပါတယ်။ ကျနော်လည်းစကားပြောနေရင်း ကျနော်တို့ ဇတ်လိုက်ကျော် ဆိုးသူမ ခင်ဦးမေ အကြောင်းစဉ်းစားမိသွားတယ်။ အဲ့ဒါနဲ့ ကွန်ပြူတာကို ယူ သူ့မ ဘလော့ဂ်ကို ဆရာ့ကိုပြလိုက်တယ်။ ဒါက ဘာလဲကွ။ ဘလော့ဂ်ပါဆရာ။

ဘလော့ဂ်ဂါဆိုတာဒါလားကွတဲ့။ ကျနော့်လက်ထဲက မောက်စ်ကို ဆွဲယူပြီး ဆရာလည်းတောင်နှိပ် မြောက်နှိပ် လုပ်ပါတော့တယ်။ ပါးစပ်ကလည်း တရွတ်ရွတ်နဲ့။ ခေါင်းကလည်း တခါခါနဲ့ ဆရာ့ကြည့်ရတာ ဘာကို တစ်ခုခုကို အလိုမကျတဲ့ပုံပေါက်နေတယ်။

ဒီကောင်မက ဘယ်မှာနေတာလဲတဲ့။ အစမရှိ ရုတ်တရက်ကြီး ထမေးတော့ ကျနော်လည်း ဘာဖြေရမှန်းကို မသိဘူး။ ဘာလို့လဲဆရာလို့ ပြန်မေးတော့ ဒီကောင်မက ဘလော့ဂ်ဂါလားတဲ့။ သူ့ကိုသူတော့ ဘလော့ဂ်လိုတော့ ပြောတာပဲ။ ပြီးတော့ ပရော်ဖတ်ရှင်နယ် ဘလော့ဂ်ကို လုပ်တာပဲလို့ သူပြောတာပဲလို့ ဖြေလိုက်တယ်။

ပါးစပ်ကနေ တောက် ကနဲ့ ဆိုတဲ့ တောက်ခေါက်သံတစ်ချက်ထွက်လာတယ်။ နေစမ်းမှာအုန်း ဒီကောင်မက ဗမာစာမရေးတက်ဘူးလားတဲ့။ ဒီကောင်မက ဗမာစာကို ရေးချင်သလို ရေးရအောင် သူ ဘာအဆင့်ရှိလို့လဲတဲ့။ အမှန်တိုင်းပြောရရင် ခင်ဦးမေ ဘာအဆင့်ရှိလဲဆိုတာတော့မသိဘူး။ သူ့ပိုစ့်တွေကို ဖတ်လိုက်တိုင်း လေဘေး အသုတ်ဆိုင် တွေအကြောင်းက အများသားဆိုတော့ သူ ဘယ်အဆင့်လဲ အမှန်တကယ်မသိပါဘူး။ ပိုစ့်တချို့မှာ သူ့ပတ်ဝန်းကျင်က လူတချို့ကို ထမိန်တစ်ကွင်းလောက် လက်ဆောင်ပေးလိုက်ရင် တော်တော် ပြောကြသားတဲ့။

ကျနော်လည်း အဲ့ဒီလောက်ပဲသိတာပဲ ။ ရပြီ ရပြီတဲ့။ လက်ကလေး တကာကာ ပြောရင်း ဆရာတော်တော် စိတ်ဆိုးနေတယ်။ တော်တော် သောက်သုံးမကျတဲ့ မိန်းမပဲတဲ့။ ရေးထားတဲ့အကြောင်းအရာတွေကလည်း ဘာအဆင့်မှမရှိ။ အထူးသဖြင့် ဗမာစာကို ရေးချင်သလိုရေးနေတာ အဆိုးဆုံးပဲတဲ့။ ဒီလို မိန်းမမျိုတွေပေါ့ အမျိုးဖျတ် သာသနာဖျတ်ဆိုတာ။

ကိုယ်လုပ်တာ ဘယ်ရောက်လို့ရောက်နေမှန်းမသိ။ ကိုယ့်ကို ဘာမှန်းမသိတဲ့ မိန်းမမျိုတဲ့။ ကျနော်လည်း ဆရာ့ပါးစပ်က ဒီမျိုးတွေကြားရတာ တော်တော်လေး အံ့သြမိတယ်။ တကယ်တော့ ဆရာက လူအေး လူရိုးပါ။ သူမှန်တယ်ထင်ရင် ပညာရေးမှုးတောင် ကိုင်တုတ်တဲ့လူစားမျိုး။

နောက်ဆုံးကျနော်လည်း ပြမိတဲ့အတွက် မှားသွားတယ်ဆိုတာ သိလိုက်ရတယ်။

ညီနေမင်း သို့ ပေးစာ

ကိုညီနေမင်း ရေ

မပြောတော့ဘူးလို့ ဆုံးဖြတ်ထားပေမယ့် ကိုညီနေမင်းနဲ့ ပတ်သက်တဲ့ စာတွေရောက်ရောက်လာလို့ ပေးစာတစ်စောင်လောက်ရေးလိုက်ပါတယ်။ ထိုစာတွေ အားလုံးကို အတိုချုံ့ ပြောပြရရင် ကိုညီနေမင်း ဆီကို နားမလည်တဲ့ အကြောင်းလေးတွေ ၊ ဒေါင်းလော့လုပ်တဲ့အခါ အဆင်မပြေတာလေးတွေကို ပြန်မေးတဲ့အခါ ကိုညီနေမင်းဆီက ဘာမှ တုန့်ပြန်သံမကြားရ တော့ လူတချို့ က စိတ်ဆိုးကြတယ်ထင်ပါတယ်။

ကျန်ုပ်အမြင်မှာလည်း ကိုညီနေမင်း လုပ်နေတဲ့အလုပ်ဟာ ဂျီးတော်နွား အငှားကျောင်းတဲ့ အလုပ်ပါပဲ။ တပြားတချပ်မှ မရပါဘူး။ အချိန်ကုန်ခံ ၊ လူပင်ပန်းခံပြီး ဖိုရမ် ၊ တခြားသော နိုင်ငံခြား ဘလော့ဂ်တွေကို လှည့်ပြီး ဆော့ဝဲတွေ ဒေါင်းရ ပြန်တင်ရ ကိုညီနေမင်းလည်း အလုပ်တော်တော်ရှုပ်မှာပါ။


တကယ်တော့ ကိုညီနေမင်း တင်ထားတဲ့ တော်တော်များများ ဆော့ဝဲတွေ ၊ နည်းပညာတွေဟာ ကိုညီနေမင်း လက်ရာမဟုတ်မှန်း ဖိုရမ်တိုင်းကို လှည့်နေတဲ့ သူတိုင်းသိပါတယ်။ ကိုညီနေမင်းအနေနဲ့ ဂူဂယ်ကို အားကိုးပြီး နည်းပညာတွေကို ဖြန့်ဝေပေးတာ ကျန်ုပ်တို့ နားလည်ပါတယ်။ ပြီးတော့ တချို့သော နည်းပညာတွေကို ကိုညီနေမင်းရှာလို့မတွေ့လို့ အကြောင်းမပြန်တာလို့ ကျန်ုပ်တို့ ခန့်မန်းမိပါတယ်။

ထိုအခါ စာဖတ်သူတချို့ က ကိုညီနေမင်းသည် မာနကြီးသည် ၊ ဘာဖြစ်သည်လို့ စွတ်စွဲကြပါတယ်။ တကယ်တော့ ကိုညီနေမင်း ရဲ့ တုန့်ပြန်ပုံ မှားယွင်းနေတယ်လို့ ခံစားမိပါတယ်။ ကိုညီနေမင်းအနေနဲ့ ကိုယ်တင်တဲ့ ပိုစ့်တိုင်းကို တာဝန်ယူသင့်ပါတယ်။ ကိုယ်မသိရင် မသိဘူးလို့ပြော၊ မအားရင် မအားဘူးလို့ လေးလေးစားစား တုန့်ပြန်သင့်ပါတယ်။ အဲ့ဒီလိုမှမဟုတ်ပဲ ကွန်မန့် ကြတော့ အပရု လုပ်နိုင်ပြီး ၊ မေးထားတဲ့ ကိစ္စကြတော့ မဖြေခြင်းဟာ ကိုညီနေမင်းရဲ့ စာဖတ်သူကို စော်ကားရာလည်းရောက်ပါတယ်။

နောက်တစ်ခုက ကိုညီနေမင်း တင်ထားတဲ့ ဆော့ဂ်ဝဲတွေ နည်းပညာ တွေကို မူရင်းဆိုဒ်လေးပါ ထည့်ပေးစေချင်ပါတယ်။ လိုအပ်ရင် ငါ့ဆီပဲလာ ငါ့ကိုပဲမေးဆိုတဲ့ လုပ်ရပ်တွေဟာ အင်မတန်မှ စိတ်ပျတ်စရာကောင်းပါတယ်။ ကိုညီနေမင်းက အဲ့ဒီလို မရည်ရွယ်ပေမယ့် ကိုညီနေမင်း လုပ်ရပ်ဟာ အဲ့ဒီပုံပေါက်နေတယ်လို့ ခံစားမိပါတယ်။ အဲ့ဒီလိုမျိုး မူရင်းလေး ထည့်ပေးခြင်းအားဖြင့် ကိုညီနေမင်းလည်း ဂုဏ်တက်ပါတယ်။ မူပိုင်ခွင့်ကိုလည်း လေးစားရာရောက်ပါတယ်။ တခြားစိတ်ဝင်စားသူတွေလည်း နောက်တစ်ချိန်လိုအပ်တဲ့အခါ ကိုယ့်ဟာကို ရှာနိုင်ဖွေနိုင်သွားမှာပါ။

အားလုံး အဆင်ပြေပြေလေး ဖြစ်စေချင်ပါတယ်။

မောင်ဘ ( စီစဉ်တင်ဆက်သည်)